Id-DQSE ġie stabbilit permezz tal-Att dwar l-Edukazzjoni biex jistabbilixxi, jirregola, jissorvelja u jassigura standards u kwalità fil-programmi u s-servizzi edukattivi pprovduti mill-iskejjel kollha, kemm jekk immexxija mill-Istat jew mod ieħor, fl-edukazzjoni pre-obbligatorja u obbligatorja kif jinstab fl-Att dwar l-Edukazzjoni.
Sabiex jiġi żgurat li l-istudenti kollha f’istituzzjonijiet edukattivi pre-obbligatorji u obbligatorji jiġu pprovduti b’edukazzjoni ta’ kwalità f’konformità mal-leġiżlazzjoni, il-politiki u l-istandards nazzjonali.
Permezz tat-tfassil, regolamentazzjoni, monitoraġġ u evalwazzjoni tal-istandards, ngħinu lill-komunitajiet edukattivi jipprovdu edukazzjoni ta’ kwalità u ekwa lill-istudenti kollha biex jiksbu l-potenzjal sħiħ tagħhom.
