dqse.gov.mt
It-Taqsima Regolatorja u tal-Konformità (RCS) fi ħdan id-Direttorat għall-Kwalità u l-Istandards fl-Edukazzjoni (DKSE) hija fdata bil-ħruġ ta’ Liċenzji tal-Iskola, sal-età obbligatorja tal-iskola, bħala parti mill-mandat tagħha ta’ Assigurazzjoni tal-Kwalità tal-Istruttura. Il-proċess tal-Liċenzjar tal-Iskejjel huwa regolat mill-Att dwar l-Edukazzjoni (605), il-Kundizzjonijiet Minimi Nazzjonali (MT) għall-iskejjel kollha (NMC) SL 327.12 u Leġiżlazzjoni/Regolamentazzjoni rilevanti oħra. Il-Liċenzji Mandatorji tal-Iskola jinħarġu lill-Iskejjel tal-Knisja, Indipendenti u Internazzjonali għal-livelli Pre-Primarji (Kindergarten), Primarji u Sekondarji.
L-Iskejjel tal-Knisja huma mmexxija minn Kongregazzjonijiet Reliġjużi skont il-ftehim tal-Gvern ta’ Malta/Vatikan (Konkordat) tal-1991, l-Att dwar l-Edukazzjoni u l-NMC u Leġiżlazzjoni/Regolamentazzjoni relevanti oħra, fuq sistema parallela bħall-iskejjel tal-Istat. L-Iskejjel tal-Knisja jsegwu l-Qafas Tal-Kurrikulu Nazzjonali (NCF) bħal fl-Iskejjel tal-Istat. Il-kwalifiki tal-gradi tal-Edukazzjoni tal-Knisja huma fuq l-istess livell tal-impjegati tal-Istat skont il-Konkordat u l-NMC u l-għalliema għandhom Warrant tal-Għalliema. Id-DKSE twettaq kontrolli biex timmonitorja l-aderenza mal-leġiżlazzjoni u r-regolamentazzjoni biex tiżgura kwalità fl-istruttura u l-proċessi. Ir-reġistrazzjoni tal-istudenti fl-Iskejjel tal-Knisja f’diversi livelli, tiġi deċiża b’sistema ta’ votazzjoni mmexxija mis-Segretarjat għall-Edukazzjoni tal-Iskejjel Kattoliċi. Skejjel tal-Knisja prospettivi, li għadhom kif ġew stabbiliti jridu japplikaw għal Liċenzja tal-Iskola qabel l-operat tagħhom billi jissottomettu l-applikazzjoni meħtieġa u d-dokumentazzjoni ta’ sostenn skont il-ħoloq ta’ hawn taħt.
Applikazzjoni għal liċenzja tal-iskola tal-Knisja
Dokumentazzjoni ta’ sostenn għall-proċess tal-liċenzjar ta’ Skola tal-Knisja
Lista ta’ Skejjel tal-Knisja liċenzjati
L-Iskejjel Indipendenti huma mmexxija minn organizzazzjonijiet privati jew individwi li ma jagħmlux qligħ irregolati mill-Att dwar l-Edukazzjoni, NMC u Leġiżlazzjoni/Regolament rilevanti oħra. L-Iskejjel Indipendenti jsegwu l-NCF u l-livelli edukattivi kollha għandhom l-istess kwalifiki bħal fl-Iskejjel tal-Istat. L-għalliema għandu jkollhom Teacher’s Warrant. DKSE twettaq kontrolli biex timmonitorja l-aderenza mal-leġiżlazzjoni u r-regolamentazzjoni biex tiżgura l-kwalità fl-istruttura u l-proċessi. Huma jitolbu miżati u l-istudenti huma rreġistrati fuq bażi ta’ first come first served. Skejjel Indipendenti prospettivi u stabbiliti ġodda jeħtieġ li japplikaw għal Liċenzja tal-Iskola qabel l-operat billi jissottomettu l-applikazzjoni meħtieġa u d-dokumentazzjoni ta’ sostenn skont il-links hawn taħt.
Applikazzjoni għal liċenzja ta’ skola indipendenti
Dokumentazzjoni ta’ sostenn għall-proċess ta’ liċenzjar ta’ Skola Indipendenti
Lista ta’ Skejjel Indipendenti liċenzjati
L-Iskejjel Internazzjonali huma skejjel Indipendenti li jsegwu kurrikulu internazzjonali approvat jew mill-pajjiż tal-oriġini tal-organizzazzjoni jew kurrikulu rikonoxxut internazzjonalment. Għalhekk huma regolati mill-Att dwar l-Edukazzjoni għal skopijiet ta’ liċenzjar u l-NMC. Bħala tali, huma jistgħu jagħżlu li ma jiġux evalwati mid-DKSE iżda huma obbligati li jgħaddu minn kontrolli ta’ konformità mid-DKSE li jimmonitorja l-aderenza mal-leġiżlazzjoni u r-regolamentazzjoni biex jiġu żgurati aspetti ta’ struttura ta’ kwalità. Il-gradi kollha tal-edukaturi għandu jkollhom l-istess kwalifiki bħall-gradi tal-iskejjel tal-Istat u l-għalliema għandu jkollhom il-Warrant tal-Għalliema. Dawn jitolbu miżati u l-istudenti huma rreġistrati fuq bażi first come first served. Skejjel Internazzjonali prospettivi, li għadhom kif ġew stabbiliti jeħtieġ li japplikaw għal Liċenzja tal-Iskola qabel l-operat billi jissottomettu l-applikazzjoni meħtieġa u d-dokumentazzjoni ta’ sostenn skont il-ħoloq ta’ hawn taħt.
Applikazzjoni għal liċenzja għal Skola Internazzjonali
Dokumentazzjoni ta’ sostenn għall-proċess ta’ liċenzjar ta’ Skola Internazzjonali
Lista ta’ Skejjel Internazzjonali liċenzjati
L-Istituzzjonijiet Edukattivi jipprovdu servizzi edukattivi b’mod privat, bi programmi speċjalizzati għal studenti bi bżonnijiet speċifiċi. Huma għandhom ftehim jew Memorandum ta’ qbil mal-awtoritajiet tal-Istat u huma regolati kemm mill-att dwar l-Edukazzjoni kif ukoll min-NMC. Id-DKSE twettaq evalwazzjonijiet u kontrolli tal-konformità f’dawn l-istituzzjonijiet biex tiżgura l-aderenza mal-leġiżlazzjoni u r-regolamentazzjoni u proċessi marbuta ma’ kwalità fl-istruttura u l-proċessi ta’. Istituzzjonijiet Edukattivi prospettivi, li għadhom kif ġew stabbiliti jeħtieġ li japplikaw għal Liċenzja tal-Iskola qabel l-operat billi jissottomettu l-applikazzjoni meħtieġa u d-dokumentazzjoni relevanti skont il-ħoloq ta’ hawn taħt.
Applikazzjoni għal liċenzja għal Istituzzjoni Edukattiva
Dokumentazzjoni ta’ sostenn għall-proċess ta’ liċenzjar ta’ Istituzzjoni Edukattiva.
Lista ta’ Istituzzjonijiet Edukattivi
L-iskejjel kollha li jkunu għadhom kif ingħataw liċenzja, tinħarġilhom Liċenzja Temporanja fl-ewwel sena tal-operat tagħhom jew sakemm id-DKSE jkun sodisfatt bil-kwalità tal-Istruttura u l-Proċess tagħhom.
Skola li jkollha Liċenzja Kompluta tista’ tinżel għal Liċenzja Temporanja b’Kundizzjonijiet meta d-DKSE ma jkunx sodisfatt li l-iskola stabbilita jkollha l-istandards meħtieġa ta’ kwalità fl-iStruttura u/jew fil-Proċess. Id-DKSE jiggwida lill-iskejjel biex jilħqu l-istandards ta’ kwalità meħtieġa għall-benefiċċju tal-istudenti.
Il-liċenzji temporanji huma validi għal sena skolastika waħda u għandhom jiġġeddu fi tmiem is-sena skolastika operattiva (nofs Lulju).
Skejjel b’Liċenzja Temporanja għandhom japplikaw għat-tiġdid flimkien mad-dokumentazzjoni relevanti billi jsegwu l-ħoloq ta’ hawn taħt.
Applikazzjoni għat-tiġdid tal-liċenzja ta’ Skola Temporanja
Jista’ jkun hemm okkażjonijiet meta jkun hemm bżonn li tiġi riveduta liċenzja tal-iskola minħabba bidla fid-detentur tal-Liċenzja jew iż-żieda ta’ livell ġdid fi skola stabbilita.
F’dawn il-każijiet u każijiet simili, id-Detentur tal-Liċenzja għandu japplika fuq il-formola xierqa u jissottometti d-dokumentazzjoni meħtieġa billi jsegwi l-ħoloq ta’ hawn taħt.
Applikazzjoni għar-Reviżjoni ta’ liċenzja tal-Iskola
Skola liċenzjata tista’ tapplika għall-irtirar tal-liċenzja tal-iskola tagħha jekk ikollha l-intenzjoni li twaqqaf l-operat b’mod indefinit.
L-applikazzjoni għall-irtirar tista’ tiġi aċċessata fil-ħolqa ta’ hawn taħt.
Applikazzjoni għall-irtirar ta’ liċenzja tal-Iskola
Filwaqt li d-DKSE jistinka biex toħloq attitudni ta’ djalogu, kolleġjalità, u jipprovdi gwida fid-djalogu tiegħu mal-Iskejjel kollha, jirriżerva wkoll id-dritt li jimponi sanzjonijiet mogħtija lilu mil-liġi, inklużi multi rilevanti, jekk iħoss il-bżonn.
Liċenzja tal-Iskola tista’ tiġi SOSPIŻA jew IRTIRATA (skont l-Att dwar l-Edukazzjoni) fid-diskrezzjoni tad-DKSE jekk ir-regolatur iqis li jkun xieraq għall-benesseri u s-sigurtà tal-istaff u l-istudenti u/jew l-intitolament għat-tagħlim tal-istudenti.
Id-DKSE jista’ jirrikorri wkoll għas-sospensjoni tal-Iskema ta’ Għotja per capita jekk iqis li skola tkun qed tikser il-leġiżlazzjoni wara twissija adegwata.