Servizzi ta’ Edukazzjoni u Kura tat-Tfulija Bikrija

Il-proċess lejn il-promozzjoni u r-regolazzjoni tas-Servizzi ta’ Edukazzjoni u Kura tat-Tfulija Bikrija f’Malta fl-aħħar snin ilu miexi b’pass sod, sabiex jilħaq il-ħtiġijiet kemm ta’ min juża s-servizz kif ukoll ta’ min jipprovdi s-servizz. L-iżvilupp u l-pubblikazzjoni ta’ Qafas ta’ Politika Nazzjonali għall-Edukazzjoni u l-Kura tat-Tfulija Bikrija għal Malta u Għawdex , huwa l-ewwel pass lejn provvista komprensiva ta’ ECEC ta’ kwalità għolja fil-kuntest Malti.

Servizzi ta’ Edukazzjoni u Kura tat-Tfulija Bikrija huma jew ipprovduti f’faċilitajiet iddisinjati speċifikament jew fi djar privati. Dan tal-aħħar huwa magħruf bħala servizz ibbażat fuq id-dar. Fiż-żewġ każijiet, il-ġenituri jixtiequ jħossuhom assigurati li t-tfal tagħhom huma mħarsa sew minn persuni addattati f’bini xieraq. Fl-2021, id-DQSE ħarġet ktejjeb ta’ informazzjoni maħsub għall-ġenituri/kustodji kollha li għandhom trabi u/jew tfal żgħar u li qed jaħsbu biex jirreġistrawhom f’Childcare Centre.

It-trabi u t-tfal sa tliet snin huma partikolarment vulnerabbli u jeħtieġu l-aħjar kura possibbli għall-benessri u l-iżvilupp tagħhom. Huwa importanti li persuni fdati bil-kura tat-tfal, jagħtu lit-trabi l-aħjar kura alternattiva possibbli, u li jinżammu standards biex jiżguraw is-sigurtà u l-benessri ta’ dawn it-tfal.

Matul dawn l-aħħar snin, ġie investit sforz konsiderevoli fis-settur tal-iżvilupp u l-kura tat-tfal bikrija. L-aktar tragwardi importanti miksuba s’issa jinkludu:

• Il-pubblikazzjoni tal-manwali tar-Reviżjoni Interna taċ-ChildCare Centre u l-manwali tar-Reviżjoni Esterna taċ-ChildCare Centre f’Ottubru 2023;
• Il-pubblikazzjoni ta’ Standards Nazzjonali ġodda għall-Edukazzjoni u l-Kura tat-Tfal Bikrija (0-3 snin) f’Ottubru 2021;
• Il-pubblikazzjoni ta’ Kriterji ta’ Reġistrazzjoni ġodda għal Servizzi ta’ Edukazzjoni u Kura tat-Tfal Bikrija (0-3 snin) f’Ottubru 2021;
• Il-pubblikazzjoni tal-Qafas ta’ Politika Nazzjonali l-ġdid għall-Edukazzjoni u l-Kura tat-Tfulija Bikrija għal Malta u Għawdex f’Ottubru 2021;
• Il-pubblikazzjoni tal-Istandards Nazzjonali għall-Faċilitajiet ta’ Kura ta’ Matul il-Jum tat-Tfal f’Lulju 2006;
• Proġett tal-Fond Soċjali Ewropew tal-ETC għall-Faċilitajiet tal-Kura tat-Tfal fuq il-post tax-xogħol;
• It-tfassil ta’ linji gwida ta’ ppjanar separati għal faċilitajiet ta’ Childcare mill-Awtorità Maltija għall-Ambjent u l-Ippjanar;
• L-Iskema ta’ Għotja għat-Titjib għall-Faċilitajiet ta’ Kura ta’ Matul il-Jum kif imħabbra fid-Diskors tal-Baġit għall-2006;
• Ir-Reġistrazzjoni Proviżorja tal-Faċilitajiet tal-Ħarsien ta’ Matul il-Jum;
• Il-Kampanja Nazzjonali ta’ Informazzjoni tal-Benefiċċji ta’ Kura tat-Tfal ta’ Kwalità.

Standards ECEC

Il-Ministeru għall-Edukazzjoni (MFED) iqis l-Edukazzjoni u l-Kura tat-Tfulija Bikrija (ECEC), bħala l-aktar żmien importanti fil-ħajja tat-tfal, perjodu li jolqot direttament kif it-tifel javviċina t-tagħlim futur u l-isfidi soċjali-emozzjonali. L-MFED indika lill-ECEC bħala waħda mill-prijoritajiet u l-muturi fl-isforzi kontinwi tiegħu biex jintlaħqu l-miri tal-Għanijiet ta’ Żvilupp Sostenibbli (SDG).

Wara konsultazzjoni bir-reqqa mal-partijiet interessati ewlenin kollha, il-Ministeru nieda l- Istandards Nazzjonali ġodda, Edukazzjoni Bikrija tat-Tfal u Servizzi ta’ Kura (0-3 Snin) ( verżjoni bil-Malti ) f’Ottubru 2021.

Dawn huma maħsuba biex: