​a. tiżgura li l-istudenti kollha jirċievu intitolament ġust għal edukazzjoni u kura ta’ kwalità,

b. tistabbilixxi u tirrevedi l-Istandards Nazzjonali tal-Kwalità fl-edukazzjoni,

c. tissorvelja u tevalwa l-prattiki u l-progress tal-istituzzjonijiet edukattivi fir-rigward tal-Istandards Nazzjonali tal-Kwalità u tiżgura l-kontabilità,

d. tipprovdi lill-istituzzjonijiet edukattivi b’feedback ċar dwar l-effettività tal-edukazzjoni li qed jipprovdu u tagħti rakkomandazzjonijiet għal skopijiet ta’ titjib,

e. iżżomm lill-imsieħba ewlenin infurmati dwar il-prestazzjoni u l-progress fl-edukazzjoni li qed jipprovdu l-istituzzjonijiet edukattivi,

f. taqsam prattiki effettivi u kontinwi ta’ proċessi interni ta’evalwazzjoni ma’ istituzzjonijiet edukattivi,

g. tikkollabora ma’ diversi imsieħba kif meħtieġ biex issostnu l-kisba tal-objettivi msemmija hawn fuq.

1. Turi livell għoli ta’ kondotta professjonali:

i. tiżgura l-kunfidenzjalità u l-protezzjoni tad-data fil-parametri stabbiliti bil-liġi,

ii. tibbaża relazzjonijiet professjonali fuq il-fiduċja u r-rispett reċiproku,

iii. taġixxi b’onestà, integrità u ġustizzja,

iv. tikkomunika b’mod sensittiv mal-imsieħba kollha u tirrispetta s-sentimenti, il-perċezzjonijiet u r-reazzjonijiet ta’ kulħadd,

v. tkun miftuħa u tirrispondi b’mod pożittiv għal feedback kostruttiv.

2. Tħaddan t-tagħlim professjonali kontinwu:

i. tibqa’ aġġornata mal-għarfien u l-ħiliet professjonali permezz tal-parteċipazzjoni f’opportunitajiet ta’ żvilupp professjonali intern u estern,

ii. tirrifletti u taġġorna regolarment proċessi u proċeduri,

iii. iżżomm kuntatt regolari ma’ istituzzjonijiet edukattivi differenti biex jiġi sostnut l-għarfien dwar kuntesti, realtajiet u sfidi differenti,

iv. tfittex appoġġ, pariri u gwida fejn meħtieġ.

3. L-użu ta’ ħiliet professjonali effettivi:

i. tinkoraġġixxi lill-imsieħba biex ikunu lesti li jipprovdu l-perspettiva tagħhom,

ii. tiġbor u tittriangola l-evidenza, iżżomm rekords preċiżi tad-data miġbura, tanaliżża l-informazzjoni, tinterpreta riżultati, u tagħmel evalwazzjonijiet li huma affidabbli u validi,

iii. tikkollabora u tinvolvi ruħha fi djalogu professjonali mal-membri tat-tim tal- evalwazzjoni esterna u mad-diversi imsieħba,

iv. agħti feedback u tikkomunika b’mod ċar, kostruttiv u effettiv mal-imsieħba differenti, biex tiġi żgurata t-trasparenza,

v. tevalwa u tirrapporta b’mod oġġettiv.